Хэдийгээр Бурхантай харьцах харьцаа тань хувийн чанартай зүйл байж болох ч заримдаа юу хэлж байгааг нь ойлгоход бидэнд бага зэрэг тусламж хэрэгтэй байдаг. Сүнслэг аяныхаа хаана явж байгаагаас үл хамааран замд тань тус болох сайн мэдээний зарчим, ойлголтуудыг номлогчид танд заах боломжтой. Та номлогчдыг дараах зүйлүүдэд туслах сүнслэг дасгалжуулагчаа гэж бод. Тухайлбал тэд:

• Бурхантай илүү ойртож байгаагаа мэдрэхэд тусална.
• Хэрхэн Түүнд хандан залбирч, хариулт авахыг заана.
• Сүнслэг асуултынхаа хариултыг олоход тусална.
• Аврагч Есүс Христийн тухай болон Түүний сайн мэдээний талаар заана.
• Судрыг ойлгоход тусална.
• Хувийн асуудал бэрхшээл тулгарах үеэр тань дэмжиж тусална.
• Итгэлтэй байж, наманчилж, баптисм хүртэхээр урагш өсөж хөгжихөд урамшуулан дэмжинэ.
• Сүнслэг аян замд тань дэмжлэг туслалцаа үзүүлэх адилхан санаа бодол бүхий итгэгчидтэй танилцуулна.

Номлогчид айлчилж ирснийхээ дараа, ярилцлагаа залбирлаар эхлүүлэхийг хүснэ. Хэрэв та бэлэн бол танаас залбирахыг хүсэж болох юм. Энэ нь Ариун Сүнсийг ярилцлагадаа урин авчрах зорилготой.

Тэд тантай танилцаж, сонирхлыг тань олж мэдэхэд хэдэн минут зарцуулна. Номлогчдод зааж сургах бүхэл бүтэн хөтөлбөр байдаг ч захиасаа танд болон таны нөхцөл байдалд тааруулахыг хичээнэ. Тэд Библийг болон Мормоны Номыг тантай хамт унших ба заасан зүйлсийнхээ үнэн эсэхийг олж мэдээсэй гэсэндээ, залбирч байгаад мэдэж авахыг танаас хүсэх болно.