Номлогчид бол өөрсдийн хувийн амьдралаа хоёр жил хүртэлх хугацаанд хойш тавьж, бусдыг Есүс Христэд илүү ойртоход тусалдаг сайн дурын ажилтнууд юм. Тэд номлолд гарахынхаа өмнө оюутан, ажилтан, тамирчин, номын хорхойтон, хөгжимчин байсан. Тэд үйлчлэлийнхээ дараа гэртээ харьж, их сургуулиа дүүргэн, ажиллаж, болзож мөн гэрлэж, энгийн амьдралаар амьдрах болно.

Тэд дэлхийн өнцөг булан бүрээс ирдэг. Номлогчид өөрсдийн амьдардаг улс орноос өөр газар, өөр хэлээр үйлчлэх нь энгийн зүйл юм. Номлогчид залуудаа эсвэл тэтгэвэртээ гарсан үедээ ганцаараа эсвэл хосоороо үйлчилдэг. Хэдэн ч настай байсан тэд чин сэтгэлийн урам зоригоор гэр орон, гэр бүлээ хэсэг хугацаанд орхин “Бүх ертөнцөөр явж, сайн мэдээг хамаг бүтээлд тунхаглагтун” (Марк 16:15) хэмээн Есүсийн төлөөлөгчдөдөө заасныг гүйцэлдүүлэхээр явдаг.

Үгүй. Есүс Христийн сайн мэдээ бүх хүнд зориулагдсан. Тэр хүн бүрийг Түүн рүү “мөнгөгүй, үнэгүйгээр” (Исаиа 55:1) ирэхэд урьдаг. Үнэн хэрэгтээ номлогчид тантай уулзахын тулд мөнгө төлдөг буюу номлолын үеийн зардлаа өөрсдөө гаргадаг. Сүмийн нэгжийн удирдагчид, хичээл заадаг багш нар ч мөн адил цалин авдаггүй.

Сүмийн цуглааны цаг газар газарт өөр өөр байдаг. Гэсэн ч бүх хүнд зориулсан үндсэн шүтэн бишрэх цуглаан байгаа гэдэгт та эргэлзэх хэрэггүй. Мөн үүний дараа хүүхэд, өсвөр үеийнхэн, насанд хүрэгчдэд зориулсан ангиуд байдаг.

Хүн бүрд зориулсан энэ цуглааныг “ариун ёслолын цуглаан” гэж нэрлэдэг. Энэ цуглаанд дуу дуулах, залбирах, мөн цугларсан гишүүдээс долоо хоног бүр сургаал айлдах (буюу үг хэлэх) зэрэг зүйлс багтдаг. Гэхдээ цуглааны хамгийн гол хэсэг нь Аврагчийг дурсан санахаар ариун ёслолоос хүртэх (шүтлэгийн хэлбэр) явдал юм.

Үгүй. Та хүсэхгүй бол сүмд очиж, номлогчидтой залбирах шаардлагагүй. Бид таны итгэл үнэмшлийг хүндэтгэх болно. Тиймээс та бэлэн болсон үедээ бидэнтэй холбогдоорой.